0
0
Emerîka le kuwey kêşekanî nêwan Hewlêr û Bexda / Emerîka katêk lewserî cîhan dêt û xwên le pênaw rizgarkirdinî gelî Êraq derêjêt û gel û wilatekey le dest dirindetirîn dîktatoriyetî serdem rizgarî dekat, her bem hoyeweş xerciyekî başî lem karey le kîs deçêt.
Bêguman tenha amancî em wilate le rizgarkirnî gelî Êraq xoy nadozêtewe, belku çendîn amancî tirî taybet bexoyewe le piştewe bû, her weku be aşkira basî le tirsnakî rejîmî Bees bo ser nawçeke dekird ke berjewendî xoşiyan lem nawçeyeda bunî hebû.
Paşan tirsan le têkçunî asayîşî wilatekeyan be hoy tîrorîstanewe ke deselatî ew katî Êraq piştgîrî lê dekirdin, emane beşe aşkirayekeyetî û hîç gumanîş leweda niye ke çendîn mebestî şarewey tirîşî le gel daye, her weku û le nêzîkewe agadarbûn le cîmûcolî ew wilataney ke be mîhwerî şer le layen xoyanewe nasrawin û dariştinî planêkî dirêjxayenî stratejî siyasî û emnî le nawçeke ke tenha dezga siyasî û hewalgirî û sîxuriye balakanî wilatî nawbiraw lêyî agadarin, eme cîge lem amancaney ke lêkolerewe siyasiyekan şîkarî bo deken û le rageyandinekan berguwê û çawman dekewin.
Emerîka be wîst û destî xoy le Netewe Yekgirtûwekan, xoy weku dagîrker denasênê, başe Emerîkayek bem hemû zilhêzî û take qutbî siyasî gewrey cîhan ke jêrziman û serzimanî, demokrasiyet û mafî mirov û yarmetîdanî maddî û me’newî gelanî cîhane, her wa be sadeyî xoy bikat be dagîrker ! bêguman her lexora niye û hîkmetêkî têdaye û tenha amancîş pirkirdineweyekî katî ew boşayiye siyasî û îdareye niye, ke le paş ruxanî dam û dezga hikûmî û hizbiyekanî 2003 î Êraq berpabû, belku em karey Emerîka zor leme qultire û bo têkelawkirdinî dest û heymenetî bû le hemû biwarekanî wilatî Êraq û bo maweyekî bê kotayî, ke em mebesteş detwanîn le damezrandinî gewretirîn balyozxaney wilatekey ke weku Emerîkayekî biçûkkirawe le Êraq bedî bikeyn.
Renge le mîdyakan çendîn rêkewtiname le nêwan Êraq û Emerîka bo gerandinewey serwerî û hûkim kirdinî xobexoyî le layen Êraqiyekanewe bibînîn ke le nêwan em dû wilate mor dekirê, belam birwam waye emane hemuwiyan rukeş û tenha nusînî ser kaxez debêt, be taybetî le biryare stratejî û çarenûssazekan, hergîz heymenet û destî Emerîka lem wilate dûr naxirêtewe.
Biraderêkim fermandey (Fewc)î ser be supay Êraqe, bas le rolî Emerîka le Wezaretî Bergirî Êraq dekat û delêt cîge le bûniyan le naw Wezaret û ke hemû biryar û kitabêkî fermî peywest be wezaret, debêt be lay ewan têdiperê û dûwa biryarî razî bûn yanebûn her lay ewane, tenanet parastinî balaxaney Wezaretîş le destî Emrîkiyekane û her xoşiyan rêge be serdanîkeranî em wezarete deden ya na, le gel be encam geyandinî kobenewey rojaneyan be gişt fermande yeke serbaziyekanî supay Êraqî bo agadarbûn le cîmûcoliyekaniyan û ferman pêdaniyan bo karî serbazî, sereray emaneş le katî serpêçî û heley her fermandeyekî yekeyekî serbazî supay Êraq, yekem car Emrîkiyekan lê pêçînewey le gel deken û biryarî sizakeşî bo deden înca le rêgey Wezaretî Bergirî Êraq cêbecê dekirê.
Le urdibunewey em zanyariyaney derbarey Wezaretî Bergirî, ke bêguman le wezaret û şuwênekanî tirîş be heman şêwe biryarî kotayî le dest Emrîkiyekane, boman derdekewêt taku êsta û ta wilatî Êraqîş mabêt, rol û karîgerî gewrey Emerîka le ser siyaset û berêwebirdinî em wilate eger bem qebarey êstaşî nebêt, belam be şêweyekî giştî bê beha nabêt û lanaçê.
Ke wate pêwîste êmey Kurd helwesteyek le ser em helwêste lawaz û temaşakerane û nawbijîwanêkî şermîn û lawazî Emrîkiyekan, beramber kêşekanî nêwan herêm û nawend bikeyn, boçî taku êsta qolî le yeklakirdinewey ew nawçaney lay hemûwan û be taybetî xoşiyan aşkiraye ke xakî Kurdistane, belam taku êsta negerawetewe ser wilatî dayik, helnekirdûwe û mafî bo xawenekey negêrawetewe? boçî em girjî û senger lêkgirtiney supa û Pêşmerge kap nakatewe? ke le katî her rûberûbuneweyek le nêwaniyanda barî asayîşî em wilate têk dedat, ke xudî Emerîka lêyî berpirsiyare, emane û be deyan pirsiyar û kêşey tir dêne pêşewe û ke renge Emrîkiyekan bitwanin be kun feyekunêk be hoy em hêze zebelah û betirsey ( lem nawçeyey ême hêz çareseriyekî guncawe bo yeklayî kirdinewey kêşekan ) şitekan belay heq bişkênêtewe, belam pirsiyareke lêreweye bo naykat ?
Lêrewe pêwîste serkirdayetî siyasî Kurd çawêk be peywendiyekanî xoy le gel Emerîkada bixşênêtewe û le hokarekanî piştgîrî nekirdinî ew wilate bo êmey Kurd tawtûwê bikat, ke çawerwan dekira piştgîriyeke zor lemey êsta ziyatir buwaye !
Pêwîste bizanrê aya Emerîka le eday siyaset û berêwebirdinî wilat û azadî tak û mafî mirovî deselatî Kurd razî niye? yanîş Emerîka em uteyey peyrew kirdûwe ke delê ( le siyaset berjewendî taser heye nek hawpeymanêtî taser ), îtir tewaw û Emerîka îşî be Kurd nema ?
Be herhal û le herdû doxda, deselatî Kurd pêwîstî be xodaçuneweyek heye bo rêkxistinewey peywendiyekanî le gel em wilate biryar be destey nawçeke, pêm waye Kurd le ciyatî ewey xoy bem hemû bêne û berde siyasiyey ke legel ew hêz û layene siyasiye Erebe nasyonalîst û bîr tesk û daxra û dûwa kewtûwane, mandû dekat û hawpeymaniyetiyan le gel da debestêt, wa baştire qursayî siyasî û dîblomasî xoy bixate gorepanî siyasetî Emerîka û rênimayî û amojgariyekanî ewan le guwê bigrê, çunke pêm waye araste serekiyekeyan berew xizmetî mirovayetiye.
Kako EBDULLA – HEMDEM
