0
0
Serok Barzanî: Sînorî Herêm be mîzacî em û ew diyar nakirêt
Her dû mektebî siyasî Partî Demokratî Kurdistan û Yekêtî Nîştimanî Kurdistan be Serokayetî berêz Mesûd Barzanî Serokî Kurdistan û berêz Celal Talebanî Serok Komarî Êraq û berêz Nêçîrvan Barzanî Serokî Encumenî Wezîranî Kurdistan û berêz Ednan Muftî Serokî Encumenî Nîştimanî Kurdistan û be amadebûnî jimareyek le endamanî her dû mektebî siyasî Partî û Yekêtî le Hawîne Hewarî Selahedîn kobunewe.
Duway be duway kobuneweke kongreyekî rojnamewanî bo her yek le Serokî Kurdistan û Serok Komarî Êraqî Federal sazkira.
Sereta Serok Barzanî gutî: Zor zor xoşhal buwîn be teşrîf hênanî cenabî Serok Mam Celal le gel birayanî mektebî siyasî Yekêtî Nîştîmanî Kurdistan her weku em roje le Dokan kobuneweman kird biryarmanda kobunewey tir emro lêre bikirêt kobuneweyekî zor zor serkewtû bû biryarî zor girîngmanda çi be nîsbet qeziyey nawxoman her weha xo amadekirdin bo ewey paş çend rojêkî tir deçîn bo Bexda çon em melefaney ke êsta hen çareseriyan bikeyn le gel layenekanî tir, min carêkî tir bexêrhatinî cenabî Mam Celal dekem.
Paşan Serok Talebanî gutî: Ême emro zor xoşhalbuwîn ke le xizmet Serok Mesûd Barzanî û hevalanî mektebî siyasî Partî Demokratî Kurdistan geyiştîn weku fermuwî kobuneweyekî zor baş û serkewtûman kird hem mesele girîng û giştiyekanî Êraq û hem taybetiyekanî Kurdistanman biryarman le ser da be biryar baş katman dana bo cêbecêkirdinî biryarekan nek her be giştî biryar bêt belku maweyekî diyarî kirawman dana bo her biryarêk ke debêt cêbecêbikirêt diyare terkîzey esasîman êsta le ser mesele giştiyekan debêt ke cenabî kak Mesûdîş teşrîf dênêt bo Bexda lewê kobunewey pênç serkirdekan dekirêt bo çareser kirdinî hemû gîr û giriftekan ke emro le kayedan le Êraq.
Sebaret bewe sînor bezandiney ke le layen Tirkiyawe encamdira, helwêstî Kurd le barey em sînor bezandanewe, Serokî Kurdistan gutî: Ême pêman başe baştirîn peywendîman hebêt le gel Tirkiya û hemû dirawsêkan, em karane hîç xizmetî ne be kêşey Kurd û ne hîç layenêk dekat, lem kobuneweye pêştirîş helwêstî herêm rûn û aşkirabuwe ême îdaney em kare dekeyn hîç sûd nageyenin be kêşey Kurd ême ûmêdewarîn ke be hîç şêweyek ziyan be herêm û xelkî herêm negat çi le layen Tirkiyawe çi le layen hêzekanî tirewe, belam ême hemû hewlêk dedîn ke ziyan be herêm negat.
Sebaret be gileyekanî Kurd le Hikûmetî Bexda ke lêrewe lewê bas dekirêt, Serok Komarî Êraqî Federal gutî: Ême namanewê hemû şitekanî bin ber bête ser ber herç qiseyekman heye le gel Malîkî pêş ewey xoy bibînîn gûftûgoy le gel bikeyn be êwey rojnamenûsan û telefizyonekan bilêyîn, belam em kêşey heye be giştî le Êraq diyare kêşey hukimranî be şêweyekî demokratî serkirdayetî hawbeş, kêşey newt, kêşey melefî emnî Êraq, peywendiyekanî Êraq be derewe û dirawsêkanî, em mesele girîngane em melefe girîngane le Bexda çareserî dekeyn.
Sebaret bewey ke ta weku êsta yasay newt be şêweyekî fermî le layen encumenî nuwêneranî Êraq derneçuwe, gileyîş le girêbestekanî Herêmî Kurdistanîş dekirêt le katêk da Bexda xoy girêbest dekat, lem bareyewe Serok Komarî Êraqî Federal gutî: Girêbestî nuwê çi le Bexda bêt çi le Besra û Kerkuk û Silêmanî û Hewlêr bêt, debêt be hemahengî bêt le nêwan Hikûmetî Êraq û Hikûmetî Herêm bêt, her layek debêt em maddeye reçaw bikat ke le destur da delêt (m’en) bêt le ber ewe Wezaretî Newt girêbestêk îmza dekat le ser şitêkî taze be bê agadarî nawçeke yan Hikûmetî Herêm eme mûxalîfî desture, boye debêt newt weku hemû layek le serî rêkewtun serwetî giştiye bo hemû Êraq le her cêgayek der bihêndrêt debêt samanekey biçêtewe budcey giştî Êraq û dabeş bikirêt le ser esasî danîştwanekey, xalêkî tir biraderan le bîrî deken katî mîzaniye pesend dekirêt ewîş eweye ke em zerer û ziyaney be nawçeke geyiştuwe nakirêt Kurdistanêk ke wa hemû dêhatekanî sutawe şarekanî hemû têkdrawe enfalî be ser hatuwe çekî kîmyawî be ser hatuwe hezaran Barzanî têda be xorayî kujrawe nabêt em Kurdistane weku nawçeyek ke hîçî be ser nehatuwe weku yek hîsab bikirêt, boye debêt qerebuwî em nawçaneş bikirêtewe le budcew le dabeşkirdinî serwet û samanî Êraq.
Sebaret be dozînewey çend termêkî enfalkirawî Kurd le şarî Necef dozrawetewe, hemahengî çiye le nêwan Hikûmetî Herêmî Kurdistan û Hikûmetî Êraqî Federal lem bareyewe Serokî Kurdistan gutî: Zanyariyeke waye ke 250 termî em şehîdane dozrawetewe, zanyarî seretayîş waye ke em qurbaniyane xelkî nawçey Germiyanin tensîq kirawe le gel Wezaretî Şehîdan û Enfalkirawekan, Dr Berhem Ehmed Cêgirî Serok Wezîranî Êraq be nuwênerayetî min û Cenabî Serok Komar deçêt beşdar debêt lem merasîme.
Sebaret be kêşey Xaneqîn aya be kuwê geyişt kêşekan, Serok Komarî Êraqî Federal gutî: Em meseleye tewaw bû zor mubalexey le ser kira, Xaneqîn nawçeyekî aramî pir le asayîş û xoşiye le Kurdistan tîrorîstan neyan tiwanî lewê meramekaniyan ser bigirêt dujminanî Êraq neyan tiwanî lewê bijîn nawçeke arame em helayey le serî kira bê cê bû.
Sebaret be katî serdanî kirdinî Serokî Kurdistan bo Bexda bo çareser kirdinî kêşe helpesardrawekan Serokî Kurdistan gutî: Min le çend rojî dahatû serdanî Bexda dekem bo çareser kirdinî kêşekan.
Her sebaret be serdanî Serokî Kurdistan bo Bexda aye rolî Pêşmerge çî debêt?. diyarî kirdinî sînorekanî Herêm çî debêt lem rûwewe, Serokî Kurdistan gutî: Rolî Pêşmerge le destûrda hatuwe Pêşmerge hêzê parastinî herême sîfetî desturî heye û şer’iyetî desturî xoy heye, sînorî Herêmîş be pêyî maddey 140 duway cê becêkirdinî maddey 140 sînorî herêm diyarî dekirêt, pêş eme sînorî herêm be mîzacî em û ew diyar nakirêt.
Le rêkewtnamey emnî nêwan Êraq û Emrîka pêgey Kurd çî debêt lem rêkewtine?. Serok Komarî Êraqî Federal gutî: Rêkewtinnamey nêwan Êraq û Emrîka rêkewtinnameyeke le nêwan dû wilat, ke yekiyan Êraqe û ewî dîkeşiyan Emrîkaye, şite giştiyekan ke Êraq degirêtewe Kurdîş degirêtewe çunke Kurd netewey duweme le Êraq her şitêkîş xêrî Êraqî têda bêt xêrî ewîşî têda debêt, em rêkewtiney ke Êraq degirêtewe Kurdistanî Êraqîş degirêtewe.
Hemdem
