0
0
Biryar e di sibata 2009-an de konsulxaneya Almanyê li Hewlêrê bê vekirin
Kurdistan/Di rûniştineke navbera nûnerê YNKê yê li Almanyê û berpirsê dosyeya Iraqê yê di wezareta derve ya Almanyayê de, hate ragihandin ku biryar e di sibata sala bê de konsulxaneya Almanyayê bê vekirin û wezîrê derve jî beşdarî merasîmê bibe. Vê êvarê nûnerê YNK-ê yê li Almanyayê Ehmed Berwarî serdana wezareta karê derve ya Almanyayê kir û ji aliyê berpirsê dosyeya Iraqê yê di wezareta derve de Dr.Glemnes Semtner û hin şêwirmendên wezaretê ve hate pêşwazîkirin.
Di rûniştinê de pêwendiyên duqolî hatin gotûbêjkirin û rewşa dawîn ya Herêma Kurdistan û Iraqê hatin nirxandin.
Di rûniştinê de Berwarî anî ziman, ku kurdan di avakirina Iraqa nû de roleka girîng lîstiye û pêbend in bi destûrekê ve ku piraniya xelkê Iraqê dezgê xwe dayê û got: “Destûra Iraqa nû li ser prensîbên mavê mirovan, demokrasî û federaliyê hatiye dariştin.”
Di beşeke din a axaftina xwe de de Berwarî daxwaz ji Almanyayê kir ku piştevaniyê li prosesa avakirina Iraqa demokrat û federal de bike û di heman çarçoveyê de ezmûna Almaniyê di warê avakirinê de bi girîng wesif kir.
Paşê rêketina Ewlekariyê ya navera Amerîka û Iraqê hate gotûbêjkirin û Berwarî da xuyakirin ku du beşên sereke ên wê rêktinê hene û got: “Tevî warê ewlehiyê rêketin, aliyên sborî, siyasî û alîkariyê jî digire navxwe. ya ku ji me re jî girîng e, pêbendbûna Amerîkayê ye bi parastina sîstema demokrasiya federalî.”
Di dawiya rûniştinê de hate aşkerekirin ku biryar e di meha sibata sala bê de wezîrê karê derve yê Almanyê serdana Iraqê bike û bi serokkomar û hin rayedarên bilin ên Iraqê re hevdîtinan pêk bîne. Her wiha hate ragihandin, dibe ku di hema çarçoveyê de serdana Herêma Kurdistanê jî bike û beşdarî merasîma vekirina konsulxaneya Almanyayê li Hewlêrê de, bike.
Pukmedia
www.kurdistan-news.net
